ქართულ ენაში სიტყვა ჩინეთი სპარსულიდან შემოვიდა, კლასიკურ სპარსულში იყო სიტყვა چین (ჩინ), რომელიც მომდინარეობს შუა სპარსული ენიდან, შუა სპარსულად 𐭰𐭩𐭭 (ჩინ) ნიშნავს ჩინეთს, უშუალოდ შუა სპარსულში კი ეს სიტყვა შევიდა სანსკრიტიდან, სანსკრიტში არის სიტყვა चीन („ჩინა“ ესეიგი ჩინეთი) რომელიც მომდინარეობს ჩინური დინასტია ცინის სახელწოდებიდან (რომელიც არსებობდა ძვ. წ. III საუკუნეში).
სანსკრიტში ასო-ბგერა „ც“ ჩაანაცვლა „ჩ“-მ, შესაბამისად „ცინ“ იქცა „ჩინ“-ად, ინდოეთიდან კი ამ სიტყვამ სპარსეთში შეაღწია, ხოლო სპარსეთიდან კი საქართველოში შემოვიდა.
ჩინეთის ისტორია უძველესი ხელნაწერების მიხედვით დაახლოებით 3500 წლის წინ დაიწყო. ეს არის ერთ-ერთი უძველესი და უმთავრესი იმ ცივილიზაციათაგან, რომლებიც დღესაც კი არსებობს და განაგრძობს განვითარებას.
იხილეთ ქართული ვიკიპედიის სტატია „ჩინეთი“