ყრუ

ვიქსიკონი გვერდიდან
ნავიგაციაზე გადასვლა ძიებაზე გადასვლა

ქართული[რედაქტირება]

არსებითი სახელი[რედაქტირება]

დამარცვლა:

ყრუ
წარმოთქმა
ფონეტიკური ტრანსლიტერაცია IPA: [qʼrʊ]
აუდიო მაგალითი: ყრუ ?

მნიშვნელობა:

[1] სმენის სრულად არ მქონე ანდა სმენადაქვეითებული
[2] გადატანითი: ჩამორჩენილი, გაუნათლებელი, მივარდნილი (სოფელი, ქვეყანა...)
[3] გადატანითი: დაუსახლებელი, უკაცრიელი, უდაბური
[4] გადატანითი: გამოცარიელებული, მიგდებული (ოთახი, სახლი...)
[5] გადატანითი: დაბალი ტონალობის, გაურკვეველი ჟღერადობის (ხმა)
[6] გადატანითი: იტყვიან მასზე, ვინც საუბრისას პასუხს არ იძლევა

სინონიმები:

[მნიშვ. 1] სმენადაქვეითებული
[მნიშვ. 2] მივარდნილი, ჩამორჩენილი, გაუნათლებელი
[მნიშვ. 3] დაუსახლებელი, უკაცრიელი, უდაბური
[მნიშვ. 4] გამოცარიელებული, მიგდებული, ცარიელი
[მნიშვ. 5] დაბალი, ჩუმი

ანტონიმები:

[მნიშვ. 2] განათლებული, ცივილიზებული, კულტურული
[მნიშვ. 3] ხალხმრავალი, დასახლებული
[მნიშვ. 4] სავსე

მაგალითები:

[მნიშვ. 1] „მარტო მე ბედკრული დავრჩი შინ, ყრუ ვარ და ბავშვები მომაბარეს.“ — ეკატერინე გაბაშვილი
[მნიშვ. 1] „ქალი ... წაჰყვა საწყალი ელამსა, კოჭლსა, ყრუსა და კუზიანს!“ — რაფიელ ერისთავი
[მნიშვ. 2] „მეც საქმისთვის ვარ წამოსული, უნდა გავანათლო ეს ბრმა და ყრუ ქვეყანა, გონებაზე მოგიყვანოთ.“ — ვაჟა-ფშაველა
[მნიშვ. 2] „იღუპებოდა ... მთელი ოჯახი, მაგრამ ვინ იყო მშველელი, ისეთ მივარდნილ ყრუ სოფელში.“ — ეგნატე ნინოშვილი
[მნიშვ. 3] „დაიკივლა ბუმ შორს ... ყრუ ტყემ რაღაც შემაძრწუნებელი და საზარელი ბანი მისცა.“ — თედო რაზიკაშვილი
[მნიშვ. 3] „[ტარიელი] შუაღამისას რომ ყრუ ტყეში ... დაეტოვებინათ, წარბებს არ შეიდრეკდა შიშით.“ — ეგნატე ნინოშვილი
[მნიშვ. 4] „მთელ ღამეს არ ეძინა ვარლამს თავის ცივ და ყრუ ოთახში.“ — ა. ბელ.
[მნიშვ. 5] „დიდხანს იყო ისე ... დამხობილი, მარტო ყრუ ქვითინი მისი ხანდისხან მოგვესმოდა.“ — ილია ჭავჭავაძე
[მნიშვ. 6] შენ ყრუ ხომ არა ხარ, ხმას რატომ არ ცემ?!

წარმოებული სიტყვები:

[მნიშვ. 1] ყრუდ, ყრუ-მუნჯი, ბრმა-ყრუ, დაყრუება, იყრუებს, აყრუებს, გააყრუებს

ხშირი შესიტყვებანი:

ბრმა და ყრუ

წყაროები და რესურსები:

[მნიშვ. 1] Wikipedia-logo.png იხილეთ ქართული ვიკიპედიის სტატია „ყრუ
[მნიშვ. 1] Searchtool.svg ქართული ენის განმარტებითი ლექსიკონი, ტომი 7, თბილისი, 1962 წელი.
[მნიშვ. 1] „ყრუ“ ქართული ენის განმარტებით ონლაინ-ლექსიკონში

თარგმანები[რედაქტირება]

მოძიებულია „https://ka.wiktionary.org/w/index.php?title=ყრუ&oldid=89715“-დან