დახმარება:პირველი ნაბიჯები

ვიქსიკონი გვერდიდან
ნავიგაციაზე გადასვლა ძიებაზე გადასვლა

შენი პირველი ნაბიჯები ვიქსიკონში, უმჯობესია, სავარჯიშო გვერდზე გადადგა! სავარჯიშო გვერდი საგანგებოდაა შექმნილი ვარჯისისა და პირველი მცდელობებისათვის. შეგიძლია, იგი თამამად არედაქტირო და არ იდარდო იმაზე, რომ რამეს გააფუჭებ. ვიღიმი ადმინისტრატორები მას ყოველ 12 საათში ასუფთავებენ.

ტექსტის მარტივი რედაქტირება[რედაქტირება]

ნაბიჯი რას აკეთებ რა ხდება

1
 

დააწკაპუნე ბმულზე „ვიქსიკონი:სავარჯიშო“ (უმჯობესია, გვერდი გახსნა ახალ ფანჯარაში, რათა ამ სახელმძღვანელოსაც ხედავდე).

გაიხსნება ვიქსიკონის „სავარჯიშო“ გვერდი. შესაძლოა, დაგხვდეს სხვა მომხმარებლების ნავარჯიშები ტექსტი. თუმცა შეიძლება ცარიელიც იყოს.


2
 

დააჭირე ბმულს რედაქტირება, რომელიც მუქი შრიფტითაა ნაჩვენები გვერდზე ანდა სულ მაღლა, მარჯვენა მხარეს, ძიების ველთან ახლოს, ერთ-ერთ ყუაზე წერია.

Edit-ka.png

გაიხსნება ახალი გვერდი, რომელშიც რედაქტირების ფანჯარას დაინახავ. რედაქტირების ფანჯარაში მოცემულია „სავარჯიშო გვერდის“ შინაარსია, რომელიც შეგიძლია, შეცვალო.

რედაქტირების ფანჯარაში, შესაძლოა, რამდენიმე უცნაური სიმბოლოც შეგხვდეს. ეს სიმბოლოები ტექსტის ფორმატირებისთვის ანდა ბმულების გასაკეთებლადაა საჭირო. მალე ამ სიმბოლოების მნიშვნელობასაც უკეთ ისწავლი.


3
 

აკრიფე რამდენიმე სიტყვა ან, თუ უკვე აკრეფილი დაგხვდა ტექსტი, შეცვალე რამდენიმე სიტყვა. აბზაცების გამოსაყოფად უბრალოდ ერთი ხაზი დატოვე ცარიელი აბზაცებს შორის.

ბოლოს დააჭირე ღილაკს „ცვლილებების შენახვა

გვერდი შენახულია. მას ყველა სხვა მომხმარებელიც სწორედ ისეთს ხედავს, როგორსაც შენ.

(იშვიათად, როცა ერთდროულად ორი მომხმარებელი შეცვლის გვერდის შიგთავსს და დააჭერს შენახვის ღილაკს, წარმოიშობა ე.წ. რედაქტირების კონფლიქტი. ასეთ შემთხვევაში, სისტემა ზედა ველში გიჩვენებთ სხვა მომხმარებლის მიერ აკრეფილ ტექსტს, ქვედა ველში – თქვენს ტექსტს, შუაში კი – ამ ორ ვერსიას შორის სხვაობას. შეგიძლია, შენი ტექსტი დააკოპირო, ზედა ველში გადაიტანო Copy&Paste-ის მეშვეობით და ხელახლა დააჭირო შენახვის ღილაკს.)

ბმულები და ახალი გვერდების დამატება[რედაქტირება]

ნაბიჯი რას აკეთებ რა ხდება

1
 

კიდევ ერთხელ დააჭირე რედაქტირებას და აკრიფე ტექსტი ორმაგ კუთხოვან ფრჩხილებში, მაგალითად: [[გამარჯობა]]. დააჭირე ღილაკს „წინასწარი გადახედვის ჩვენება“ (ცვლილებების შენახვის ღილაკის მარჯვნივ) და ნახე შედეგი.

გამოჩნდება ბმული სტატიაზე გამარჯობა. რადგან ეს სტატია უკვე დაწერილია, ბმული ლურჯი ფერისაა და მასზე დაწკაპუნებით სტატიის გვერდზე გადახვალ.


2
 

თუკი ბმულის ტექსტი სათაურისაგან უნდა განსხვავდებოდეს, ვაკეთებთ ასე:
საქართველოს [[ღვინო|ღვინის]] სამშობლოდ მიიჩნევენ, რადგან ….
აბა სცადე: დააჭირე რედაქტირებას, ეს ტექსტი ჩააკოპირე და წინასწარი გადახედვის ღილაკს დააჭირე.

ტექსტი ასე გამოჩნდება:
საქართველოს ღვინის სამშობლოდ მიიჩნევენ, რადგან …


3
 

ახლა კი გააკეთე ბმული ისეთ გვერდზე, რომელიც ჯერ არ არსებობს: [[ეს გვერდი ჯერ არ არსებობს]]

შენახვის შემდეგ ეს ტექსტი ასე გამოიყურება: ეს გვერდი ჯერ არ არსებობს. წითელი ფერი მიგვითითებს, რომ ამ სათაურით ჯერ არც ერთი გვერდი არ არსებობს ვიქსიკონში.


4
 

დააჭირე წითელ ბმულს.

გაიხსნება ახალი გვერდი ამ სახელწოდების სტატიის შესაქმნელად. ახალი გვერდის შესაქმნელად უბრალოდ რედაქტირების ველში უნდა ჩაწეროთ შესაბამისი ტექსტი და ბოლოს შეინახოთ. თუმცა ახალი სტატიის შექმნისას გასათვალისწინებელია ვიქსიკონის სტატიის აგებულება.


უკვე იცი ახალი გვერდის შექმნა და ბმულების გაკეთება! მოდი, ვნახოთ მეტი! ვიღიმი