ვიქსიკონი:ყავახანა/შეხვედრები

ვიქსიკონი გვერდიდან

30 მარტი, 2021[რედაქტირება]

განხილული საკითხები და მიღებული გადაწყვეტილებები:

  • გიო ოქროს და Dixtosa-ს უნდა მივანიჭოთ ინტერფეისის ადმინისტრატორის ფუნქციები ვიქსიკონის ინტერფეისის პრობლემების აღმოსაფხვრელად. განსაკუთრებით, მოსაწესრიგებელია თარგმანების თარგი.
  • უნდა ჩამოვაყალიბოთ ლემების ერთიანი შაბლონი. ვისაც სურვილი აქვს, მომდევნო ერთი კვირის განმავლობაში საკუთარ სახელთა სივრცეში შექმნას თავისი შემოთავაზება, როგორი დიზაინით წარმოუდგენია სტატია. აქვე შევთანხმდით რამდენიმე საკითხზე, რომლებიც ზოგად ჩარჩოდ შეიძლება წარმოვიდგინოთ:
    • ლემები გამოიყოფა ეტიმოლოგიის მიხედვით. ერთი ეტიმოლოგიის ფარგლებში (ქვეშ) შეიძლება გვქონდეს სხვადასხვა მეტყველების ნაწილი.
    • შაბლონი უნდა იყოს მაქსიმალურად მარტივად აღქმადი მკითხველისთვის და ამავე დროს მაქსიმალურად მარტივად გასაგები გამოუცდელი რედაქტორებისთვის. ამიტომ ტექსტი უნდა გათავისუფლდეს ზედმეტი თარგებისა და კოდებისაგან.
    • ეტიმოლოგიას, როგორც წესი, არ ვუკავშირებთ რომელიმე მნიშვნელობას. ეტიმოლოგია, როგორც წესი, ყველა მნიშვნელობისათვის საერთოა.
    • მაგალითები/ციტატები, სასურველია, რაიმენაირად დაუკავშირდეს/მიებას/ახლოს იყოს მნიშვნელობებთან.
  • შაბლონზე შეთანხმებამდე, უმჯობესია, თავი შევიკავოთ ახალი სტატიების წერისაგან. ამის ნაცვლად, მომდევნო ერთი კვირის განმავლობაში ენერგიას მივმართავთ შაბლონის დახვეწისაკენ.
  • ერთი კვირის შემდეგ კიდევ ვიკრიბებით და განვიხილავთ ჩვენს ვერსიებს. ყველა ვთანხმდებით, რომ შაბლონის შეთანხმება პრიორიტეტულია ყველა სხვა თემასთან შედარებით.

მეგობარნო, თუ რაიმე გამომრჩა, დაამატეთ, გთხოვთ. Deu. 06:02, 31 მარტი 2021 (UTC)[უპასუხე]

10 აპრილი, 2021[რედაქტირება]

  • ონლაინ-შეხვედრას ესწრებოდნენ @Dixtosa, გიო ოქრო, Zangala, Deu და ფილოლოგი ნათია მიროტაძე.

განხილული საკითხები და მიღებული გადაწყვეტილებები:

  • ნაწილაკიანი ფორმები სალექსიკონო ერთეულად არ გაგვაქვს, მაგრამ შესაძლოა გავიტანოთ ფორმაწარმოების გვერდზე. ეს საკითხი ბოლომდე არაა შეთანხმებული.
  • -ა სუფიქსიანი შედგენილი შემასმენლებიც (დიდია, კაცია, კაცისაა, კაცადაა, კაცისაცაა, კაცთანაცაა, კაცისაღაა და ა.შ.) არ გაგვაქვს. შედგენილი შემასმენელიც შეიძლება სახელთა ფორმაწარმოების გვერდზე იყოს მითითებული.
  • ერთმანეთისაგან ვმიჯნავთ ფორმაწარმოებას (ფლექსია) და სიტყვა(თ)წარმოებას.
  • დაისვა საკითხი ძველი ქართული ენის ცალკე ენად მიჩნევის თაობაზე. ამ საკითხს მნიშვნელობა აქვს ასევე ახალი ქართული ენის ლექციკაში ეტიმოლოგიის სექციის შინაარსისათვის. გადაწყვეტილება არ მიგვიღია.
  • გამოითქვა აზრი, რომ მეტყველების ნაწილები უნდა მიეთითოს ფუნქციურადაც და გრამატიკულადაც. მაგალითად, საქართველო გრამატიკულად არის ზედსართავი სახელი (იმავე აგებულების, როგორიცაა საბავშვო), მაგრამ ფუნქციურად – არსებითი სახელი. მდინარე გრამატიკულად არის მიმღეობა, მაგრამ ფუნქციურად – არსებითი სახელი და ა.შ. საბოლოო შეთანხმება აქაც არ გვაქვს.
  • განვიხილეთ, თუ ქართული ზმნის რომელი ფორმა უნდა იყოს აღებული განმარტებულ ლემად. ასევე მოკლედ შევეხეთ სახელზმნებსა და ზმნებს შორის არსებულ კავშირებს. აქაც კონკრეტული რამ არ შეგვითანხმებია.
  • ნათია მიროტაძე შეგვპირდა, რომ მომდევნო შეხვედრისათვის სხვა ფილოლოგებსაც სთხოვს დასწრებას. ჩვენი მხრივ კი, უნდა მოვიფიქროთ, რომელი საკითხებია პრიორიტეტულად განსახილველი მათთან ერთად, თან ისე, რომ შეხვედრის ხანგრძლივობა არ იყოს ძალიან დიდი და დამღლელი.

დაამატეთ, თუ რამე გამომრჩა. Deu. 08:19, 12 აპრილი 2021 (UTC)[უპასუხე]