დახმარება:რეგისტრაცია და ავტორიზაცია

ვიქსიკონი გვერდიდან
ნავიგაციაზე გადასვლა ძიებაზე გადასვლა

< დახმარება < რეგისტრაცია და ავტორიზაცია

სტატიების დასაწერად ან რედაქტირებისათვის რეგისტრაცია აუცილებელი არაა, მაგრამ რეგისტრაციას რამდენიმე მნიშვნელოვანი უპირატესობა აქვს. რეგისტრაცია ყველას შეუძლია, ის უფასოა და არ მოითხოვს არც ერთი პირადი მონაცემის მითითებას: ელ-ფოსტის მითითებაც კი არაა აუცილებელი.

რეგისტრაციის უპირატესობები[რედაქტირება]

  • არარეგისტრირებული მომხმარებლის მიერ სტატიის რედაქტირების შემთხვევაში, სხვა მომხმარებლები მის IP-მისამართს ხედავენ. რეგისტრირებული მომხმარებლის IP-მისამართი კი მომხმარებლებისთვის უხილავია.
  • არარეგისტრირებული მომხმარებლის მიერ ვიქსიკონში შეტანილი წვლილი მისი IP-მისამართის ქვეშ აღირიცხება, თუმცა IP-მისამართი შეიძლება შეიცვალოს, თქვენი IP-მისამართი შეიძლება სხვის განკარგულებაში აღმოჩნდეს და თქვენი წვლილი სხვას მიეწეროს. რეგისტრირებული მოხმარებელი ამისგან დაცულია: მისი წვლილი აღირიცხება მისი სამომხმარებლო სახელის ქვეშ და არასდროს იკარგება.
  • მართალია, არარეგისტრირებულ მომხმარებლებსაც შეუძლიათ რედაქტირება, მაგრამ რეგისტრირებულ მომხმარებელს შეუძლია, პირადი „კონფიგურაციის გვერდისა“ და არაერთი ხელსაწყოს გამოყენებით უფრო მოსახერხებელი, საკუთარ საჭიროებებზე მორგებული გახადოს რედაქტირების პროცესი.
  • რეგისტრირებულ მომხმარებელს შეუძლია, შექმნას სტატიების კონტროლის სია. კონტროლის სიის გამოყენებით იგი მარტივად ნახავს, ვინ და როდის შეიტანა ცვლილება კონტროლირებად სტატიებში.
  • ყოველ რეგისტრირებულ მომხმარებელს აქვს პირადი გვერდი, რომელზედაც შეუძლია საკუთარ თავზე ინფორმაციის გამოქვეყნება.
  • ყოველ რეგისტრირებულ მომხმარებელს აქვს ე.წ. პირადი განხილვის გვერდი, რომელზედაც სხვა მომხმარებლებს შეუძლიათ შეტყობინებების დატოვება.
  • ვიქსიკონში მნიშვნელოვან საკითხებზე მიმდინარე კენჭისყრებში მხოლოდ რეგისტრირებულ მომხმარებლებს შეუძლიათ მონაწილეობის მიღება.
  • მხოლოდ რეგისტრირებულ მომხმარებლებს შეუძლიათ სტატიების სახელების გადარქმევა (გადამისამართება), ფოტო და აუდიოფაილების ატვირთვა.

გლობალური ანგარიში დობილ პროექტებში[რედაქტირება]

სანამ ვიქსიკონში რეგისტრაციას გადაწყვეტ, უნდა იცოდე, რომ ვიქსიკონის ყველა დობილ პროექტში მოქმედებს ე.წ. გლობალური სამომხმარებლო ანგარიშის პრინციპი. ეს კი იმას ნიშნავს, რომ თუ, მაგალითად, ვიკიპედიაში უკვე რეგისტრირებული ხარ, ვიქსიკონში ცალკე რეგისტრაცია აღარ გჭირდება და იმავე სახელით შეგიძლია ავტორიზაცია. პირიქითაც, თუ ვიქსიკონში დარეგისტრირდები, სხვა დობილ პროექტებში რეგისტრაცია საჭირო აღარ იქნება. ქვემოთ მოცემულია ჩვენი ყველა დობილი პროექტის დასახელება და ბმული:

ახალი სამომხმარებლო ანგარიშის შექმნა[რედაქტირება]

ახალი ანგარიშის შესაქმნელად დააჭირეთ ბმულს ანგარიშის შექმნა, რომელიც ეკრანის ზედა მარჯვენა კუთხეში ჩანს, როდესაც თქვენ ავტორიზაცია არ გაქვთ გავლილი. თუ ეს ბმული ვერ იპოვეთ, უბრალოდ ქვემოთ მოცემულ ამ სურათს შეგიძლიათ, დააჭიროთ:

Registration-ka-1.png

ბმულზე გადასვლით გაიხსნება ფანჯარა, რომელიც ისე გამოიყურება, როგორც ქვემოთ მოცემული სურათი:

Registration-ka-3.png

შეავსეთ ყველა სავალდებულო ველი. აქვე გვაქვს რამდენიმე მითითება:

  • ყურადღებით შეარჩიეთ სამომხმარებლო სახელი. მართალია, სახელის შეცვლა რეგისტრაციის შემდეგაც შესაძლებელია, მაგრამ ეს საკმაოდ რთული პროცედურაა და, ზოგ შემთხვევაში, შეუძლებელიც. უმრავლესობა ირჩევს გამოგონილ მეტსახელს, თუმცა შეგიძლიათ, თქვენი ნამდვილი სახელი, გვარი ან ორივე ერთად მიუთითოთ. სახელი შეიძლება იყოს ნებისმიერი ანბანით (ქართული, ლათინური, ბერძნული...) აკრეფილი, თუმცა არასასურველია ისეთი სიმბოლოების შერჩევა, რომელთა წარმოთქმაც გაუგებარი, მრავალგვარი ან რთული შეიძლება იყოს.
  • გაითვალისწინეთ, რომ ვიქსიკონში არსებობს მომხმარებელთა დაუშვებელი სახელები. ასეთი სახელით რეგისტრირებული მომხმარებლები რეგისტრაციისთანავე იბლოკებიან. კერძოდ, დაუშვებელია:
  1. სახელი, რომელიც პირად მონაცემებს (მაგალითად, მისამართს, სკოლის დასახელებას, ტელეფონის ნომერს და ა.შ.) შეიცავს. ასეთი სახელები ბადებს მონაცემთა ბოროტად გამოყენების ეჭვს.
  2. სახელი, რომელიც ძალიან ჰგავს უკვე აქტიური მომხმარებლის სახელს.
  3. სახელი, რომელიც შეურაცხმყოფელ ანდა სიძულვილის გამომხატველ გამონათქვამს შეიცავს ან ძალიან ჰგავს.
  4. სახელი, რომელიც ვულგარულ, სექსისტურ, ძალადობრივ ან დისკრიმინაციულ გამონათქვამს შეიცავს ან ძალიან ჰგავს.
  5. სახელი, რომელიც მხოლოდ ციფრებისგან შედგება ანდა ძალიან ჰგავს IP-მისამართს.
  6. სახელი, რომელიც სამართლებრივ დავას შეიძლება იწვევდეს. კერძოდ, ისეთი სახელები, რომელთა გამოყენებაც საგანგებო წარმომადგენლობით უფლებამოსილებას მოითხოვს: სხვა ადამიანის სახელები, ქალაქებისა და დასახლებული პუნქტების სახელები, პირის სახელები და სხვ.
  7. სახელი, რომელიც ვიქსიკონის მომხმარებელთა ჯგუფზე მიუთითებს (მაგალითად, „ადმინისტრატორი“, „ადმინი“, „სანდო“ და სხვ. ასევე ისეთი სახელები, რომლებიც Bot-ზე ბოლოვდებიან, გარდა იმ შემთხვევისა, თუ სამომხმარებლო სახელი ბოტისთვის იქმნება).
  • ტექნიკურად შეუძლებელია სახელში შემდეგი სიმბოლოების გამოყენება: /, _, @, #, < >, |, [ ] { }, :
  • შეარჩიეთ ისეთი პაროლი, რომელსაც ადვილად დაიმახსოვრებთ, მაგრამ სხვები ვერ მიხვდებიან.

მას შემდეგ, რაც ყველა ველს შეავსებთ, დააჭირეთ ღილაკს „შექმენით თქვენი ანგარიში“.

გილოცავთ! ამის შემდეგ თქვენ უკვე ვიქსიკონის სრულუფლებიანი მომხმარებელი ხართ!

ავტორიზაცია[რედაქტირება]

თუ რეგისტრაცია უკვე გავლილი გაქვთ, მარტივად შეგიძლიათ, გაიაროთ ავტორიზაცია ეკრანის ზედა მარჯვენა კუთხეში ბმულზე „შესვლა“ დაწკაპუნებით. ამის შემდეგ გაიხსნება ფანჯარა:

Registration-ka-2.png

შეიყვანეთ თქვენი სამომხმარებლო სახელი, პაროლი და დააჭირეთ ღილაკს „შესვლა“.